• ꤜꤤ꤬ꤡꤢ꤭ꤏꤢꤧ꤭ ꤗꤢ꤬ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤚꤢ꤭ ꤢ꤬ꤖꤢꤨ ꤞꤢꤧꤡꤢ꤭ꤏꤢꤧ꤭ ꤙꤛꤢ꤬ꤡꤢꤧ꤬ ꤟꤢꤩꤏꤥ꤬ ꤕꤢꤩ ꤢꤧ꤬ꤞꤤ꤭ ꤔꤌꤣ꤬ ꤓꤌꤣ꤭ꤚꤢꤪ ꤗꤟꤢ ꤡꤢꤪꤗꤢ꤬ꤚꤛꤢ꤬ ꤢ꤬ꤒꤟꤢꤧ꤬ꤘꤛꤢꤩꤜꤟꤌꤣ꤭ꤓꤛꤢ꤬ ꤔꤟꤤꤘꤛꤢꤩ ꤢ꤬ꤔꤟꤢꤩ ꤔꤢ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭꤯ ꤡꤢꤪꤗꤢ꤬ꤚꤛꤢ꤬ ꤗꤢ꤬ ꤕꤚꤟꤢꤧ꤬ꤚꤢ꤭ ꤔꤟꤤꤘꤛꤢꤩꤘꤢꤦ꤬ ꤜꤤ꤬ꤡꤢ꤭ꤏꤢꤧ꤭ ꤚꤢꤪ ꤗꤟꤢ ꤡꤢꤪꤗꤢ꤬ꤚꤛꤢ꤬ ꤢ꤬ꤒꤟꤢꤧ꤬ꤐꤟꤢꤨ꤭ꤊꤜꤛꤢꤐꤟꤢꤨ꤭ꤊꤜꤥ꤭ ꤘꤣ ꤢ꤬ꤒꤥ꤭ꤢ꤬ꤙꤢꤧ꤬ ꤘꤣ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤢ꤬ꤑꤢꤩ꤭꤯ ꤒꤟꤢꤧ꤬ꤗꤟꤢꤩ꤬ꤏꤤ꤬ꤕꤜꤢꤧꤊꤟꤢ꤬ ꤗꤢ꤬ ꤒꤟꤢꤧ꤬ꤒꤢ꤬ꤐꤛꤢꤩ꤬ꤔꤟꤢꤩ꤬ ꤘꤣ ꤢ꤬ꤜꤥ꤬ꤘꤢꤨ꤬ꤜꤣ꤯ ꤜꤤ꤬ꤡꤢ꤭ꤏꤢꤧ꤭ ꤜꤟꤢꤪ꤭ꤕꤜꤤ꤭ ꤗꤢ꤬ ꤢ꤬ꤒꤥ꤭ ꤜꤟꤢꤪ꤭ꤜꤟꤢꤒꤢ꤬ꤊꤜꤤ꤬ ꤡꤢꤪ ꤚꤢꤪ ꤜꤟꤢꤩꤐꤟꤢꤦꤢꤩ꤬ꤔꤟꤤ ꤒꤟꤢ꤭ꤒꤟꤢꤩ꤬ ꤡꤢꤪ, ꤗꤟꤢꤩ꤬ꤒꤢꤩ꤭ꤟꤢꤩꤚꤢꤪ ꤢ꤬ꤏꤤ꤭ꤜꤟꤛꤢ꤭ꤒꤟꤣ ꤔꤟꤢ ꤢ꤬ꤞꤢꤦ ꤒꤣ꤬ꤡꤣ꤬꤮ ꤒꤥ꤬꤯ ꤡꤢꤪꤗꤢ꤬ꤚꤛꤢ꤬ ꤊꤟꤢꤦ ꤡꤤ꤬ꤚꤛꤢ꤬ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤖꤢꤨꤒꤢꤩ꤭ ꤕꤢ꤭ ꤢ꤬ꤚꤤ꤬ꤢ꤬ꤊꤛꤢ꤭ ꤔꤌꤣ꤬ ꤡꤢꤪꤗꤢ꤬ꤚꤛꤢ꤬ ꤚꤢ꤭ ꤥ꤬ꤔꤟꤢꤩ꤬ ꤘꤣ ꤜꤤ꤬ꤡꤢ꤭ꤏꤢꤧ꤭ ꤢ꤬ꤊꤢꤨ꤭꤯ ꤢ꤬ ꤊꤟꤢꤦ ꤥ꤬ꤊꤜꤟꤢꤪ꤬ꤗꤢ꤬ ꤒꤟꤌꤣꤘꤣ ꤟꤢꤩ꤬ꤋꤢꤨ꤬ ꤒꤢ꤬ꤘꤢꤦ꤬ ꤕꤢ꤭꤯ ꤜꤟꤢꤪ꤭꤮ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤢ꤬ꤒꤟꤢꤧ꤬ꤊꤢ꤬ꤓꤢꤪ꤬ꤥ꤬ꤔꤛꤢ꤭ ꤊꤟꤢꤨꤊꤟꤢꤚꤟꤢꤨꤚꤟꤛꤢ꤬ ꤔꤢ ꤒꤟꤢꤧ꤬ꤡꤢꤪꤙꤢꤨ꤬ꤡꤢꤪꤙꤢꤧ꤭ ꤢ꤬ꤊꤜꤛꤢꤢ꤬ꤊꤜꤥ꤭ ꤞꤤ꤭ꤒꤢ꤬ꤟꤢꤩ꤬ ꤔꤌꤣ꤬ ꤒꤥ꤭ꤙꤢꤧ꤬ ꤡꤟꤢꤩ꤬ꤗꤛꤢ ꤢꤧ꤬ ꤔꤢ ꤜꤤ꤬ꤡꤢ꤭ꤏꤢꤧ꤭ ꤛꤢꤩ꤭ ꤔꤌꤣ꤬ ꤕꤢ꤭꤯ ꤜꤤ꤬ꤡꤢ꤭ꤏꤢꤧ꤭ ꤜꤟꤢꤪ꤭ꤕꤜꤤ꤭ ꤗꤢ꤬ ꤢ꤬ꤋꤛꤢꤜꤟꤌꤣ꤭ ꤕꤢꤩ ꤋꤚꤤ ꤢ꤬ꤚꤤ꤬ꤢ꤬ꤊꤛꤢ꤭, ꤚꤢꤪ ꤢꤧ꤬ ꤔꤟꤢꤩ ꤔꤟꤤꤘꤢꤦ꤬ ꤘꤛꤢꤩꤜꤟꤌꤣ꤭ ꤞꤢꤧꤑꤢꤩ꤭ ꤕꤢꤩ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤔꤢ ꤡꤢꤪꤗꤢ꤬ꤚꤛꤢ꤬ ꤢ꤬ꤒꤟꤢꤧ꤬ꤞꤢꤧꤐꤟꤢꤦ꤯

    ꤓꤢꤩ꤬ꤡꤛꤣꤏꤤ꤬ꤕꤜꤢꤧ ꤂꤄:꤄; ꤘꤣ꤬ꤑꤢ꤭ ꤄:꤁-꤂; ꤁꤇:꤁꤉; ꤛꤥ꤬ꤏꤛꤢꤨ ꤈:꤃꤄; ꤓꤢꤨ꤬ꤞꤢꤧꤓꤛꤢ꤬ ꤁꤉:꤇-꤁꤀; ꤁꤁꤉:꤁꤁,꤈꤉,꤁꤀꤅,꤁꤄꤀; ꤛꤢ꤬ꤏꤛꤢꤛꤢ꤬ ꤃꤄:꤁꤆; ꤄꤀:꤈; ꤡꤣ꤬ꤚꤢ꤬ꤗꤤꤛꤣ꤬ ꤁꤅:꤁꤆; ꤃꤆:꤁-꤃꤂; ꤗꤢꤞꤢꤧ ꤅:꤁꤇-꤁꤈; ꤂꤂:꤂꤉; ꤜꤢꤨꤊꤢ꤬ ꤂꤁:꤃꤃; ꤂꤄:꤄꤄-꤄꤆; ꤛꤥ꤭ꤟꤢ꤬ ꤅:꤃꤉; ꤁꤆:꤁꤃-꤁꤅; ꤁꤇:꤁꤇; ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤁꤇:꤁꤁; ꤚꤟꤥꤗꤢꤩ꤬ ꤁꤅:꤄; ꤁꤆:꤂꤅-꤂꤆; ꤂ ꤒꤤ꤬ꤗꤢ꤬ꤞꤢꤩ꤬ ꤃:꤁꤅-꤁꤇; ꤟꤤꤙꤚꤢꤨ ꤁:꤁-꤂; ꤄:꤁꤂; ꤁ ꤕꤢꤩ꤬ꤒꤢ꤬ꤚꤢꤨ ꤁:꤂꤅; ꤂ ꤕꤢꤩ꤬ꤒꤢ꤬ꤚꤢꤨ ꤁:꤁꤉-꤂꤁꤯

  • ꤡꤢꤪꤗꤢ꤬ꤚꤛꤢ꤬ ꤘꤣ ꤢ꤬ ꤓꤝꤟꤥ꤭ꤕꤚꤟꤢꤧ꤬ ꤚꤢꤪ ꤢ꤬ꤡꤢꤪꤢ꤬ꤒꤟꤢꤩ꤬ ꤗꤟꤢꤜꤢ꤬ꤊꤥ꤭ ꤗꤢ꤬ ꤥ꤬ꤒꤢꤦ ꤒꤣ꤬ꤕꤚꤟꤢꤧ꤬ ꤒꤌꤣ꤭꤯ ꤢꤧ꤬ ꤗꤢ꤬ ꤕꤚꤟꤢꤧ꤬ꤙꤛꤢꤜꤟꤛꤢ꤬, ꤕꤚꤟꤢꤧ꤬ꤤ꤬ꤓꤢ꤬ꤊꤟꤢ꤬, ꤕꤚꤟꤢꤧ꤬ꤒꤢ꤬ꤊꤢꤪꤒꤢ꤬ꤊꤟꤢꤧ꤬ ꤔꤢ ꤕꤚꤟꤢꤧ꤬ꤕꤣꤒꤢ꤬ꤚꤤꤔꤟꤤ ꤜꤟꤢꤪ꤭ ꤒꤟꤢꤧ꤬ꤙꤛꤢꤜꤟꤛꤢ꤬ꤒꤟꤢꤩ꤬ꤜꤟꤛꤢ꤬ ꤜꤟꤢꤪ꤭ꤕꤜꤤ꤭꤯ ꤡꤢꤪꤗꤢ꤬ꤚꤛꤢ꤬ ꤗꤢ꤬ ꤢ꤬ꤡꤢ꤭ꤢ꤬ꤏꤢꤧ꤭ ꤚꤢꤪ ꤢ꤬ꤞꤢꤧꤑꤢꤩ꤭ ꤜꤟꤢꤪ꤭ ꤒꤟꤢꤧ꤬ ꤕꤝꤟꤥ꤭꤮ ꤒꤣ꤬ꤡꤣ꤬꤯ ꤡꤢꤪꤗꤢ꤬ꤚꤛꤢ꤬ ꤗꤢ꤬ ꤕꤚꤟꤢꤧ꤬ꤘꤣ ꤕꤟꤢꤧ꤬ ꤒꤥ꤭ꤙꤢꤧ꤬ ꤗꤟꤥ꤬ꤔꤟꤤ, ꤙꤢꤩ꤬ꤐꤟꤢꤦꤙꤢꤩ꤬ꤑꤟꤢꤔꤟꤤ, ꤚꤢꤪ ꤔꤟꤤꤘꤢ꤭ꤡꤟꤢꤨ꤭ꤢꤩ꤬ꤔꤟꤤ ꤢ꤬ꤍꤟꤥ꤯ ꤡꤢꤪꤗꤢ꤬ꤚꤛꤢ꤬ ꤒꤢ꤬ꤡꤟꤢꤨꤕꤚꤟꤢꤧ꤬ ꤘꤛꤢꤩꤜꤟꤌꤣ꤭ ꤕꤟꤢꤧ꤬ ꤔꤢ ꤖꤢꤧ꤭ ꤡꤢꤪꤗꤢ꤬ꤚꤛꤢ꤬, ꤡꤢꤪꤗꤢ꤬ꤚꤛꤢ꤬ ꤢ꤬ꤖꤢꤨꤋꤢꤨ꤭, ꤔꤢ ꤡꤢꤪꤗꤢ꤬ꤚꤛꤢ꤬ ꤢ꤬ꤞꤢꤧꤡꤢ꤭ꤏꤢꤧ꤭꤯

    ꤖꤢꤧ꤭ꤡꤢꤪꤗꤢ꤬ꤚꤛꤢ꤬

    ꤖꤢꤧ꤭ꤡꤢꤪꤗꤢ꤬ꤚꤛꤢ꤬ ꤗꤢ꤬ ꤢ꤬ꤥ꤬ ꤔꤢ ꤢ꤬ꤒꤢ꤬ꤚꤛꤢꤩ꤭ꤏꤛꤥ꤬ꤏꤢꤪ꤭ ꤚꤢꤪ ꤢ꤬ꤙꤛꤢꤜꤟꤛꤢ꤬ꤒꤟꤢꤩ꤭ꤜꤟꤛꤢ꤬ ꤔꤟꤤꤘꤢꤦ꤬ ꤒꤟꤢꤧ꤬ ꤜꤟꤢꤪ꤭꤮ꤕꤜꤤ꤭ ꤚꤢꤪ ꤞꤛꤢꤖꤢꤨ ꤢ꤬ꤒꤟꤢꤧ꤬ꤒꤢ꤬ꤚꤛꤢꤩ꤭ꤘꤢꤨ꤬ꤒꤢ꤬ꤚꤛꤢꤩ꤭ꤓꤢꤨ꤭ ꤊꤟꤢꤦ ꤥ꤬ꤜꤟꤌꤣ꤭ꤓꤛꤢ꤬ ꤢ꤬ꤑꤢꤩ꤭꤯

    ꤟꤢꤩ꤬ꤋꤢꤨ꤬ꤓꤝꤟꤥ꤭ꤜꤢꤨ ꤁:꤁; ꤂:꤇; ꤓꤢꤩ꤬ꤡꤛꤣꤏꤤ꤬ꤕꤜꤢꤧ ꤃:꤁꤄; ꤆:꤂-꤃; ꤡꤢꤪꤙꤢꤨ꤬ꤡꤢꤪꤙꤢꤧ꤭ ꤂꤂:꤂; ꤘꤣ꤬ꤑꤢ꤭ ꤆:꤄; ꤃꤂:꤆; ꤁ ꤚꤢ꤭ꤗꤢꤚꤢ꤭ꤘꤛꤢ꤭ ꤂꤉:꤁꤀; ꤓꤢꤨ꤬ꤞꤢꤧꤓꤛꤢ꤬ ꤁꤉:꤁-꤃; ꤛꤢ꤬ꤏꤛꤢꤛꤢ꤬ ꤄꤃:꤃,꤁꤅; ꤆꤄:꤈; ꤡꤣ꤬ꤚꤢ꤬ꤗꤤꤛꤣ꤬ ꤁꤀:꤁꤀; ꤁꤇:꤁꤃; ꤗꤢꤞꤢꤧ ꤇:꤁꤁; ꤂꤃:꤉; ꤂꤈:꤁꤉; ꤗꤢ꤬ꤊꤢꤨ ꤁:꤉-꤁꤁; ꤛꤥ꤭ꤟꤢ꤬ ꤄:꤂꤄; ꤅:꤂꤆; ꤁꤄:꤆-꤁꤃; ꤁꤇:꤁-꤈; ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤁:꤇; ꤚꤟꤥꤗꤢꤩ꤬ ꤈:꤁꤄-꤁꤅; ꤁ ꤊꤢ꤬ꤚꤤ꤬ꤞꤢꤨ꤬ ꤈:꤆; ꤊꤢ꤬ꤜꤢ꤬ꤒꤤ ꤄:꤆; ꤢꤩꤖꤢꤩꤎꤢꤨ꤬ ꤄:꤆; ꤊꤢ꤬ꤜꤢꤪ꤬ꤎꤢꤧ ꤁:꤁꤅; ꤁ ꤒꤤ꤬ꤗꤢ꤬ꤞꤢꤩ꤬ ꤁:꤁꤇; ꤟꤤꤙꤚꤢꤨ ꤁꤁:꤆; ꤁꤂:꤉; ꤁ ꤕꤢꤩ꤬ꤒꤢ꤬ꤚꤢꤨ ꤁:꤁꤇; ꤁ ꤛꤥ꤭ꤟꤢ꤬ ꤅:꤇꤯

    ꤡꤢꤪꤗꤢ꤬ꤚꤛꤢ꤬ ꤢ꤬ꤖꤢꤨꤋꤢꤨ꤭

    ꤋꤚꤤ ꤗꤢ꤬ ꤡꤢꤪꤗꤢ꤬ꤚꤛꤢ꤬ ꤢ꤬ꤖꤢꤨꤋꤢꤨ꤭ ꤒꤢ꤬ꤡꤟꤢꤨꤕꤚꤟꤢꤧ꤬꤯ ꤘꤣ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤢ꤬ꤒꤟꤢꤧ꤬ꤞꤢꤦꤒꤟꤢꤧ꤬ꤥ꤬ꤚꤢ꤬ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤢ꤬ꤟꤛꤢ꤭ ꤥ꤬ꤓꤝꤟꤥ꤭ꤕꤚꤟꤢꤧ꤬ ꤡꤢꤪꤒꤟꤢꤩ꤬, ꤋꤛꤢꤞꤛꤢꤩ꤭ ꤢ꤬ꤞꤢꤧ ꤘꤣ ꤟꤤ꤬ꤓꤢꤦ꤬ꤘꤤꤊꤢꤧ꤬ ꤢ꤬ꤜꤟꤥ꤬, ꤚꤢꤪ ꤑꤟꤢ꤭ꤊꤢ꤬ꤓꤢꤪ꤬ ꤓꤝꤟꤥ꤭ꤕꤚꤟꤢꤧ꤬ ꤊꤟꤢ꤬ꤋꤛꤢꤩ꤭ ꤘꤣ ꤒꤟꤢꤧ꤬ꤞꤛꤢꤩ꤭꤯ ꤛꤢꤩ꤬ꤏꤛꤢꤨ ꤗꤢ꤬ ꤢ꤬ꤘꤛꤢꤩ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤚꤢꤪ ꤢꤧ꤬ ꤗꤢ꤬ ꤊꤜꤛꤢꤡꤛꤣ ꤘꤣ ꤖꤢꤧ꤭ ꤢ꤬ꤥ꤬꤯

    ꤛꤢ꤬ꤏꤛꤢꤛꤢ꤬ ꤇:꤁꤄; ꤅꤃:꤁-꤁꤂; ꤗꤢꤞꤢꤧ ꤁:꤁꤈-꤂꤃; ꤃:꤁꤇; ꤈:꤂꤉; ꤁꤁:꤂꤇; ꤁꤄:꤃꤃; ꤁꤆:꤁꤆,꤂꤇; ꤁꤇:꤅; ꤂꤇; ꤂꤈:꤁-꤆,꤁꤉; ꤗꤢ꤬ꤊꤢꤨ ꤁:꤁; ꤃:꤁꤁; ꤜꤢꤨꤊꤢ꤬ ꤁:꤃꤅; ꤄:꤄꤁; ꤂꤂:꤇꤀; ꤂꤄:꤄꤆; ꤛꤥ꤭ꤟꤢ꤬ ꤁:꤁-꤁꤈,꤂꤉; ꤁꤀:꤃꤀,꤃꤈; ꤁꤁:꤂꤅-꤂꤇; ꤁꤂:꤄꤄-꤅꤀; ꤁꤄:꤇-꤁꤁; ꤁꤆:꤁꤅-꤁꤆,꤂꤈; ꤁꤇:꤁-꤅,꤂꤁-꤂꤂; ꤂꤀:꤁-꤂꤀,꤂꤈; ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤁:꤉; ꤂:꤂꤂-꤂꤄; ꤇:꤅꤅-꤅꤆; ꤉:꤄-꤅,꤂꤀; ꤚꤟꤥꤗꤢꤩ꤬ ꤁:꤃-꤄; ꤃:꤂꤃-꤂꤆; ꤅:꤆-꤂꤁; ꤈:꤁-꤃,꤃꤄; ꤁꤀:꤄; ꤁ ꤊꤢ꤬ꤚꤤ꤬ꤞꤢꤨ꤬ ꤁:꤃꤀; ꤂:꤂; ꤈:꤆; ꤁꤅:꤁-꤈,꤂꤄-꤂꤈; ꤂ ꤊꤢ꤬ꤚꤤ꤬ꤞꤢꤨ꤬ ꤅:꤁꤉-꤂꤁; ꤈:꤉; ꤊꤢ꤬ꤜꤢ꤬ꤒꤤ ꤄:꤄-꤅; ꤢꤩꤖꤢꤩꤎꤢꤨ꤬ ꤁:꤂꤀; ꤃:꤁꤁; ꤄:꤇-꤁꤀; ꤖꤤꤜꤤ꤬ꤕꤤ꤬ ꤂:꤅-꤁꤁; ꤊꤢ꤬ꤜꤢꤪ꤬ꤎꤢꤧ ꤁:꤁꤃-꤂꤂; ꤂:꤉; ꤁ ꤞꤢꤩ꤬ꤎꤢ꤬ꤜꤢ꤬ꤔꤤ ꤄:꤁꤄-꤁꤈; ꤁ ꤒꤤ꤬ꤗꤢ꤬ꤞꤢꤩ꤬ ꤂:꤅-꤆; ꤃:꤁꤆; ꤒꤤꤒꤢꤨ ꤂:꤁꤃-꤁꤄; ꤟꤤꤙꤚꤢꤨ ꤁:꤁-꤃; ꤄:꤁꤄-꤁꤅; ꤇:꤁꤄-꤂꤈; ꤉:꤁꤂-꤁꤅,꤂꤄-꤂꤈; ꤁꤂:꤂; ꤁꤃:꤈; ꤁ ꤕꤢꤩ꤬ꤒꤢ꤬ꤚꤢꤨ ꤂:꤂꤁-꤂꤅; ꤃:꤂꤂; ꤁ ꤛꤥ꤭ꤟꤢ꤬ ꤁:꤇-꤉; ꤃:꤂; ꤄:꤁꤄-꤁꤅; ꤅:꤉; ꤂ ꤛꤥ꤭ꤟꤢ꤬ ꤇-꤉; ꤒꤟꤢꤧ꤬ꤘꤛꤢꤩꤜꤟꤌꤣ꤭ꤓꤛꤢ꤬ ꤁:꤁꤃-꤁꤆; ꤅:꤉-꤁꤄; ꤁꤂:꤁꤀-꤁꤁; ꤁꤃:꤈; ꤁꤉:꤁꤆꤯

    ꤡꤢꤪꤗꤢ꤬ꤚꤛꤢ꤬ ꤢ꤬ꤞꤢꤧꤡꤢ꤭ꤏꤢꤧ꤭

    ꤡꤢꤪꤗꤢ꤬ꤚꤛꤢ꤬ ꤢ꤬ꤞꤢꤧꤡꤢ꤭ꤏꤢꤧ꤭ ꤗꤢ꤬ ꤕꤚꤟꤢꤧ꤬ꤘꤣ ꤢ꤬ꤗꤟꤢꤩ꤬ꤡꤝꤟꤥ ꤕꤟꤢꤧ꤬ ꤚꤢꤪ ꤢ꤬ ꤊꤟꤢꤦ ꤤ꤬ꤞꤛꤥꤤ꤬ꤞꤛꤢ꤬ ꤐꤟꤢꤨ꤭ꤊꤜꤛꤢꤐꤟꤢꤨ꤭ꤊꤜꤥ꤭ ꤕꤢꤩ ꤒꤟꤢꤧ꤬ꤜꤟꤢꤪ꤭꤮ ꤕꤜꤤ꤭ ꤕꤢ꤭, ꤓꤌꤣ꤭ꤒꤥ꤬ ꤜꤟꤢꤪ꤭ ꤒꤟꤢꤧ꤬ ꤘꤣ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤩꤓꤌꤣ꤭ꤟꤢꤪ ꤕꤟꤢꤧ꤬ ꤒꤢ꤬ꤟꤢꤩ꤬ꤔꤌꤣ꤬, ꤢ꤬ ꤊꤟꤢꤦ ꤘꤛꤢꤩꤞꤢꤧꤔꤟꤢꤩ ꤊꤟꤢ꤬ꤋꤛꤢꤩ꤭ ꤋꤛꤢꤩ꤭ꤞꤛꤢ ꤕꤟꤢꤧ꤬ ꤕꤢ꤭꤯ ꤞꤢꤧꤡꤢ꤭ꤏꤢꤧ꤭ ꤙꤛꤢ꤬ꤡꤢꤧ꤬ ꤘꤛꤢꤩꤞꤢꤧꤑꤢꤩ꤭ ꤋꤛꤢꤩ꤭ ꤕꤟꤢꤧ꤬ ꤔꤢ ꤕꤟꤢꤧ꤬ ꤗꤟꤢꤩ꤬ ꤒꤟꤢꤧ꤬ꤞꤢꤦ ꤒꤢ꤬ꤟꤢꤩ꤬ ꤕꤢ꤭, ꤓꤌꤣ꤭ꤚꤢꤪ ꤢ꤬ ꤊꤟꤢꤦ ꤘꤛꤢꤩꤞꤢꤧꤑꤢꤩ꤭ ꤕꤢꤩ ꤕꤟꤥ ꤕꤟꤢꤧ꤬ ꤔꤢ ꤒꤟꤢꤧ꤬ꤡꤢꤪꤒꤟꤢꤧ꤬ꤒꤟꤢꤩ꤬ ꤢ꤬ꤊꤜꤛꤢ ꤕꤢ꤭꤯ ꤓꤌꤣ꤭ꤒꤥ꤬, ꤢ꤬ ꤊꤟꤢꤦ ꤘꤛꤢꤩꤞꤢꤧꤑꤢꤩ꤭ ꤊꤟꤌꤣ꤭ ꤕꤟꤥ ꤕꤟꤢꤧ꤬ ꤔꤢ ꤡꤢꤪꤗꤢ꤬ꤚꤛꤢ꤬ ꤊꤟꤢꤦ ꤡꤤ꤬ꤚꤛꤢ꤬ ꤕꤟꤢꤧ꤬ ꤕꤢ꤭꤯ ꤞꤢꤧꤡꤢ꤭ꤏꤢꤧ꤭ ꤙꤛꤢ꤬ꤡꤢꤧ꤬ ꤛꤢꤩ꤭ꤔꤌꤣ꤬ ꤢ꤬ ꤞꤛꤢꤟꤢꤪꤔꤢ ꤒꤟꤢꤧ꤬ꤗꤢꤒꤟꤢꤧ꤬ꤘꤛꤢ꤭ ꤒꤣ꤬ꤡꤣ꤬ ꤘꤣ ꤢ꤬ ꤘꤛꤢꤩꤜꤟꤌꤣ꤭ ꤔꤢ ꤕꤟꤢꤧ꤬ ꤓꤝꤟꤥ꤭ꤟꤢꤪ ꤡꤢꤪꤗꤢ꤬ꤚꤛꤢ꤬ ꤢ꤬ꤊꤢ꤬ꤛꤢ꤭ ꤟꤢꤪ꤯

    ꤟꤢꤩ꤬ꤋꤢꤨ꤬ꤓꤝꤟꤥ꤭ꤜꤢꤨ ꤁:꤂; ꤕꤚꤟꤢꤧ꤬ꤡꤤ꤬ꤚꤛꤢ꤬ꤒꤟꤢꤧ꤬ ꤁꤄:꤆; ꤡꤛꤥꤙꤢ ꤂꤆:꤁꤃; ꤓꤢꤨ꤬ꤞꤢꤧꤓꤛꤢ꤬ ꤅꤁:꤁꤁; ꤛꤢ꤬ꤏꤛꤢꤛꤢ꤬ ꤆꤁:꤁-꤃; ꤡꤛꤥ꤬ꤢꤩꤜꤢ꤬ ꤂:꤂꤈-꤃꤂; ꤗꤢꤞꤢꤧ ꤁:꤁꤈; ꤃:꤁꤆; ꤄:꤁; ꤁꤂:꤂꤈-꤃꤂; ꤂꤈:꤁꤉; ꤗꤢ꤬ꤊꤢꤨ ꤁:꤁꤀,꤁꤂; ꤜꤢꤨꤊꤢ꤬ ꤁:꤃꤅; ꤄:꤁,꤁꤈-꤁꤉; ꤁꤁:꤁꤃; ꤁꤂:꤁꤂; ꤂꤄:꤄꤉; ꤛꤥ꤭ꤟꤢ꤬ ꤄:꤂꤄; ꤁꤄:꤁꤆-꤁꤇,꤂꤆; ꤁꤅:꤂꤆; ꤁꤆:꤇-꤁꤄; ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤁:꤈; ꤂:꤁-꤄,꤃꤈; ꤄:꤃꤁; ꤅:꤃; ꤆:꤃; ꤇:꤅꤅; ꤈:꤁꤇,꤃꤉ ꤁꤀:꤄꤄; ꤁꤃:꤂; ꤁꤅:꤂꤈; ꤁꤆:꤆; ꤁꤉:꤁-꤆; ꤚꤟꤥꤗꤢꤩ꤬ ꤈:꤉-꤁꤁,꤁꤄-꤂꤆,꤂꤆-꤂꤇; ꤁ ꤊꤢ꤬ꤚꤤ꤬ꤞꤢꤨ꤬ ꤂:꤁꤀-꤁꤄; ꤃:꤁꤆; ꤁꤂:꤃-꤁꤁,꤁꤃; ꤊꤢ꤬ꤜꤢ꤬ꤒꤤ ꤄:꤆; ꤢꤩꤖꤢꤩꤎꤢꤨ꤬ ꤁:꤁꤃-꤁꤄; ꤄:꤃꤀; ꤅:꤁꤈; ꤁ ꤞꤢꤩ꤬ꤎꤢ꤬ꤜꤢ꤬ꤔꤤ ꤅:꤁꤉; ꤁ ꤒꤤ꤬ꤗꤢ꤬ꤞꤢꤩ꤬ ꤃:꤁꤆; ꤄:꤁; ꤂ ꤒꤤ꤬ꤗꤢ꤬ꤞꤢꤩ꤬ ꤁:꤁꤄; ꤃:꤁꤆; ꤟꤤꤙꤚꤢꤨ ꤉:꤈,꤁꤄; ꤂ ꤕꤢꤩ꤬ꤒꤢ꤬ꤚꤢꤨ ꤁:꤂꤁; ꤁ ꤛꤥ꤭ꤟꤢ꤬ ꤄:꤁꤃; ꤅:꤆-꤇ ꤒꤟꤢꤧ꤬ꤘꤛꤢꤩꤜꤟꤌꤣ꤭ꤓꤛꤢ꤬ ꤁:꤁꤀; ꤂꤂:꤁꤇꤯

  • ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤗꤢ꤬ ꤡꤢꤪꤗꤢ꤬ꤚꤛꤢ꤬ ꤙꤛꤢꤒꤟꤢ꤭ ꤜꤢꤨ꤭ ꤘꤣ ꤢ꤬ꤞꤛꤢ ꤔꤢ ꤢ꤬ꤔꤟꤢꤩ ꤔꤟꤤꤘꤢꤦ꤬꤯ ꤚꤢꤪ ꤢ꤬ꤙꤛꤢꤒꤟꤢ꤭ ꤔꤟꤤꤘꤢꤦ꤬ ꤕꤚꤟꤢꤧ꤬ꤋꤢꤨ꤭ ꤔꤢ ꤕꤚꤟꤢꤧ꤬ꤗꤢꤪ꤬꤯ ꤒꤟꤢꤧ꤬ꤙꤛꤢꤜꤟꤛꤢ꤬ꤒꤟꤢꤩ꤭ꤜꤟꤛꤢ꤬ ꤜꤟꤢꤪ꤭ꤕꤜꤤ꤭ ꤢ꤬ꤊꤜꤢꤧ꤭ ꤔꤌꤣ꤬ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤗꤢ꤬ ꤒꤟꤢꤧ꤬ꤙꤛꤢꤜꤟꤛꤢ꤬ꤒꤟꤢꤩ꤭ꤜꤟꤛꤢ꤬ ꤘꤣ ꤢ꤬ꤍꤟꤢꤨ꤬ꤘꤢꤨ꤬ꤕꤚꤟꤤ꤬ꤘꤢꤨ꤬ ꤜꤣ꤯ ꤙꤤ ꤡꤢꤪꤗꤢ꤬ꤚꤛꤢ꤬ ꤙꤛꤢꤒꤟꤢ꤭ꤜꤢꤨ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤢ꤬ꤋꤢꤧ꤭ꤔꤌꤣ꤬ ꤢ꤬ ꤒꤟꤢꤧ꤬ꤞꤢꤦ ꤥ꤬ ꤒꤣ꤬ꤡꤣ꤬꤮ ꤒꤥ꤬꤯ ꤡꤢꤪꤗꤢ꤬ꤚꤛꤢ꤬ ꤘꤛꤢꤩ ꤢꤧ꤬ꤞꤤ꤭ ꤒꤢ꤬ꤚꤛꤢꤩ꤭ꤏꤛꤥ꤬ꤏꤢꤪ꤭ ꤘꤣ ꤊꤟꤢꤦ ꤕꤣꤒꤢ꤬ꤚꤤ ꤔꤟꤤꤘꤛꤢꤩ ꤒꤟꤢꤧ꤬ꤙꤛꤢꤜꤟꤛꤢ꤬ꤒꤟꤢꤩ꤭ꤜꤟꤛꤢ꤬ ꤜꤟꤢꤪ꤭ꤕꤜꤤ꤭ ꤗꤢ꤬ꤔꤢꤚꤢꤪ ꤢꤧ꤬ꤞꤤ꤭ ꤔꤟꤤꤘꤢ꤭ ꤡꤢꤪꤗꤢ꤬ꤚꤛꤢ꤬ ꤢ꤬ꤍꤟꤥ ꤒꤥ꤬꤯ ꤗꤟꤢꤩ꤬ꤖꤢꤨꤔꤌꤣ꤬ꤚꤢꤪ, ꤘꤣ ꤊꤢ꤬ꤛꤢ꤭ ꤒꤣ꤬ꤕꤚꤟꤢꤧ꤬ ꤔꤟꤤꤘꤢ꤭ ꤡꤢꤪꤗꤢ꤬ꤚꤛꤢ꤬ ꤢ꤬ꤍꤟꤥ ꤒꤥ꤬ ꤢ꤬ꤋꤢꤨ꤬ꤢ꤬ꤋꤛꤢꤩ꤭ꤚꤢꤪ, ꤊꤢ꤬ꤛꤢ꤭ ꤕꤝꤟꤥ꤭꤮ ꤒꤣ꤬ꤕꤚꤟꤢꤧ꤬ ꤗꤟꤢꤩ꤬ꤜꤟꤢꤪ꤭ ꤟꤢꤪ ꤒꤟꤢꤧ꤬ꤞꤢꤦ ꤟꤢꤪ꤯ ꤒꤟꤢꤧ꤬ꤞꤢꤦꤒꤟꤢꤧ꤬ꤥ꤬ꤚꤢ꤬ ꤛꤢꤩ꤭ ꤢ꤬ ꤘꤛꤢꤩꤓꤝꤟꤥ꤭ꤓꤛꤢ꤬ ꤟꤢꤪ ꤒꤟꤢꤧ꤬ꤞꤛꤢꤩ꤭ ꤟꤢꤪ꤯ ꤖꤢꤨꤔꤌꤣ꤬ꤚꤢꤪ ꤘꤣ ꤒꤟꤢꤧ꤬ꤞꤢꤦꤒꤟꤢꤧ꤬ꤥ꤬ꤚꤢ꤬ ꤛꤢꤩ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ꤚꤢꤪ, ꤊꤢ꤬ꤛꤢ꤭ ꤕꤝꤟꤥ꤭꤮ ꤒꤣ꤬ꤕꤚꤟꤢꤧ꤬ ꤗꤛꤢꤓꤛꤢꤩ꤬ ꤏꤤꤒꤣ꤬ꤙꤢꤧ꤬ ꤜꤟꤢꤪ꤭ ꤔꤢ ꤒꤟꤢꤧ꤬ꤞꤛꤢꤩ꤭ ꤟꤢꤪ꤯ ꤗꤢ꤬ꤔꤢꤚꤢꤪ ꤡꤢꤪꤗꤢ꤬ꤚꤛꤢ꤬ ꤢ꤬ꤙꤝꤤꤢ꤬ꤒꤢ꤬ꤚꤛꤢꤩ꤭ꤘꤢꤨ꤬ꤓꤢꤨ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭, ꤢ꤬ ꤗꤟꤢꤩ꤬ꤏꤤ꤭ꤕꤜꤢꤧꤊꤟꤢ꤬ ꤟꤢꤪ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤟꤢꤪ꤯ ꤘꤣ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤔꤟꤢꤩꤙꤛꤢ꤬ꤡꤢꤧ꤬ ꤔꤟꤤꤘꤢꤦ꤬ ꤛꤥ꤭ ꤢꤛꤢꤡꤢꤦꤢꤛꤢꤚꤢꤩ꤬ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤚꤢꤪ ꤢꤧ꤬ꤞꤤ꤭ ꤔꤟꤤꤙꤢꤧ꤬ ꤒꤟꤢꤧ꤬ꤏꤤ꤭ꤕꤜꤢꤧꤊꤟꤢ꤬ ꤗꤟꤢꤒꤥ꤬꤯ ꤛꤢꤩ꤭ꤗꤢ꤬ ꤡꤢꤪꤗꤢ꤬ꤚꤛꤢ꤬ ꤘꤛꤢꤩꤒꤟꤢ꤭ꤊꤚꤢ꤭ ꤕꤚꤢꤧ ꤢꤧ꤬ꤞꤤ꤭ ꤕꤚꤢꤧ꤯

    ꤟꤢꤩ꤬ꤋꤢꤨ꤬ꤓꤝꤟꤥ꤭ꤜꤢꤨ ꤁:꤂꤆-꤃꤀; ꤂:꤅,꤇,꤁꤈-꤂꤂; ꤃; ꤉:꤆; ꤓꤢꤨ꤬ꤞꤢꤧꤓꤛꤢ꤬ ꤁; ꤈:꤃-꤆; ꤃꤂:꤁-꤅; ꤅꤁:꤅; ꤛꤢ꤬ꤏꤛꤢꤛꤢ꤬ ꤆:꤅ ꤡꤣ꤬ꤚꤢ꤬ꤗꤤꤛꤣ꤬ ꤁꤇:꤅ ꤗꤢꤞꤢꤧ ꤁꤆:꤂꤆ ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤁꤇:꤂꤆-꤃꤁ ꤚꤟꤥꤗꤢꤩ꤬ ꤁:꤁꤉-꤃꤂; ꤃:꤁꤀-꤁꤈,꤂꤃; ꤅:꤆,꤁꤂,꤁꤉; ꤆:꤆; ꤇:꤁꤄-꤂꤅; ꤈:꤁꤄-꤁꤈,꤂꤉; ꤁ ꤊꤢ꤬ꤚꤤ꤬ꤞꤢꤨ꤬ ꤁:꤂꤁-꤃꤁; ꤁꤅:꤁꤉,꤂꤁-꤂꤂; ꤢꤩꤖꤢꤩꤎꤢꤨ꤬ ꤂:꤁-꤂꤂; ꤊꤢ꤬ꤜꤢꤪ꤬ꤎꤢꤧ ꤁:꤂꤁-꤂꤂; ꤃:꤉-꤁꤁꤯

  • ꤒꤟꤢꤧ꤬ꤗꤟꤢꤩ꤬ꤏꤤ꤬ꤕꤜꤢꤧꤊꤟꤢ꤬ ꤗꤢ꤬ ꤡꤢꤪꤗꤢ꤬ꤚꤛꤢ꤬ ꤢ꤬ꤒꤟꤢꤧ꤬ꤘꤛꤢꤩꤒꤟꤢ꤭ꤊꤚꤢ꤭ ꤏꤛꤢꤩ꤭ꤐꤟꤢꤨ ꤗꤟꤢꤟꤢꤪ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤒꤢ꤬ꤡꤟꤢꤨꤕꤚꤟꤢꤧ꤬ ꤘꤣ ꤕꤟꤢꤧ꤬ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ ꤛꤢꤩ꤭ꤔꤌꤣ꤬ꤟꤢꤪ꤯ ꤊꤢ꤬ꤛꤢ꤭ ꤒꤣ꤬ꤕꤚꤟꤢꤧ꤬ꤕꤚꤟꤢꤧ꤬ ꤘꤣ ꤢ꤬ ꤓꤝꤟꤥ꤭ꤓꤛꤢ꤬ ꤟꤢꤪ ꤒꤣ꤬ꤡꤣ꤬꤮ ꤒꤌꤣ꤭ ꤔꤢ ꤋꤚꤤ ꤔꤌꤣ꤬, ꤢ꤬ ꤓꤝꤟꤥ꤭ꤓꤛꤢ꤬ ꤟꤢꤪ ꤊꤢ꤬ꤛꤢ꤭ ꤒꤣ꤬ꤕꤚꤟꤢꤧ꤬ ꤘꤣ ꤡꤢꤪꤗꤢ꤬ꤚꤛꤢ꤬ ꤙꤛꤢꤜꤟꤛꤢ꤬ ꤒꤢ꤬ꤕꤜꤢꤩ꤬ ꤞꤢꤧ꤭ ꤜꤢꤨ꤭ ꤟꤢꤪ꤯ ꤢ꤬ ꤠꤤ꤭ꤊꤛꤢ꤭ ꤊꤛꤢ꤭ ꤢ꤬ ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬ ꤚꤢꤪ ꤢ꤬ ꤥ꤬ꤓꤝꤟꤥ꤭ꤕꤚꤟꤢꤧ꤬ ꤒꤢ꤬ꤕꤜꤢꤩ꤬ꤊꤛꤢ꤭ ꤘꤣ ꤢ꤬ꤞꤢꤧ꤭ ꤟꤢꤪ꤯ ꤘꤣ ꤞꤢꤧꤡꤢ꤭ꤏꤢꤧ꤭ ꤙꤛꤢ꤬ꤡꤢꤧ꤬ ꤢ꤬ ꤒꤟꤢꤧ꤬ꤕꤚꤟꤥ꤬ꤒꤟꤢꤧ꤬ꤕꤚꤟꤛꤢ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ꤚꤢꤪ ꤢ꤬ ꤏꤤ꤭ꤕꤜꤤ꤭ꤊꤛꤢ꤭ ꤕꤟꤢꤧ꤬, ꤓꤌꤣ꤭ꤚꤢꤪ ꤢ꤬ ꤘꤛꤢꤩ ꤕꤟꤢꤧ꤬ ꤒꤟꤢꤧ꤬ꤥ꤬ꤕꤢ꤬ꤡꤟꤢꤧꤜꤟꤛꤢ꤬ ꤢ꤬ꤞꤢꤧ꤭ ꤔꤢ ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬ ꤢ꤬ꤞꤢꤧ꤭ ꤒꤢ꤬ꤟꤢꤩ꤬꤯ ꤡꤢꤪꤗꤢ꤬ꤚꤛꤢ꤬ ꤘꤛꤢ꤬ꤡꤢꤪꤘꤛꤢ꤬ꤒꤟꤢꤩ꤬ ꤟꤢꤪ ꤕꤟꤢꤧ꤬ ꤔꤢ ꤕꤟꤢꤧ꤬ ꤒꤟꤢꤧ꤬ꤐꤟꤢꤦꤒꤟꤢꤧ꤬ꤑꤟꤢ ꤢ꤬ꤋꤛꤢꤩ꤭ ꤟꤢꤪ꤯ ꤚꤢꤪ ꤕꤟꤢꤧ꤬ ꤥ꤬ꤕꤟꤢꤩ꤭ꤥ꤬ꤘꤝꤥ꤭ ꤥ꤬ꤊꤚꤟꤢꤦ꤭ꤥ꤬ꤊꤜꤢꤧ꤭ ꤒꤟꤣ ꤋꤛꤢꤩ꤭ꤞꤛꤢ ꤟꤢꤪ ꤔꤢ ꤡꤢꤪꤗꤢ꤬ꤚꤛꤢ꤬ ꤟꤢꤪ꤯ ꤕꤚꤟꤢꤧ꤬ꤗꤟꤢꤩ꤬ ꤓꤝꤟꤥ꤭ꤓꤛꤢ꤬ ꤕꤢꤩ ꤕꤟꤢꤧ꤬ ꤖꤢꤨꤛꤢꤩ꤭ꤔꤌꤣ꤬ꤗꤢ꤬ ꤗꤟꤢꤟꤢꤪ ꤕꤟꤢꤧ꤬ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤪ꤯ ꤞꤛꤢꤖꤢꤨ ꤕꤟꤢꤧ꤬ ꤊꤟꤢꤦ ꤗꤟꤢꤩ꤬ꤒꤟꤢꤧ꤬ꤚꤛꤢ ꤢ꤬ꤑꤢꤩ꤭ꤔꤌꤣ꤬ꤚꤢꤪ, ꤢ꤬ ꤒꤢ꤬ꤚꤤ꤬ꤒꤢ꤬ꤚꤛꤢ꤭ ꤥ꤬ꤔꤟꤢꤩ꤬ ꤑꤟꤢꤩ꤭꤮ ꤕꤢꤩꤜꤢ꤭ꤟꤢꤪ ꤘꤣ ꤕꤟꤢꤧ꤬ꤑꤢꤩ꤭ ꤟꤢꤪ꤯

    ꤟꤢꤩ꤬ꤋꤢꤨ꤬ꤓꤝꤟꤥ꤭ꤜꤢꤨ ꤃:꤁꤅; ꤓꤢꤩ꤬ꤡꤛꤣꤏꤤ꤬ꤕꤜꤢꤧ ꤃:꤁꤄-꤁꤇; ꤆:꤂-꤈; ꤗꤢꤞꤢꤧ ꤁:꤂꤁ ꤄:꤁꤇ ꤁꤆:꤂꤁-꤂꤆; ꤂꤇:꤂꤂-꤂꤈:꤆; ꤜꤢꤨꤊꤢ꤬ ꤁:꤆꤈-꤆꤉; ꤂:꤂꤈-꤃꤂; ꤛꤥ꤭ꤟꤢ꤬ ꤁:꤁꤁-꤁꤄,꤂꤉; ꤃:꤃-꤂꤁,꤃꤆; ꤅:꤂꤄; ꤁꤀:꤉,꤂꤈-꤂꤉; ꤁꤅:꤁-꤁꤆; ꤁꤇:꤁꤇; ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤂:꤂꤁; ꤄:꤁꤂; ꤁꤅:꤁꤁; ꤁꤆:꤃꤀-꤃꤁; ꤁꤇:꤃꤀-꤃꤁; ꤂꤀:꤃꤂; ꤚꤟꤥꤗꤢꤩ꤬ ꤁:꤁꤆-꤁꤈; ꤂:꤄; ꤃:꤂꤃-꤂꤅; ꤅:꤈-꤁꤀; ꤆:꤁-꤂꤃; ꤈:꤁-꤁꤈,꤂꤉-꤃꤉; ꤁꤀:꤉-꤁꤀,꤁꤃; ꤁꤃:꤁꤁-꤁꤄; ꤁ ꤊꤢ꤬ꤚꤤ꤬ꤞꤢꤨ꤬ ꤁:꤁꤈,꤃꤀; ꤆:꤁꤉-꤂꤀; ꤁꤅:꤁꤀; ꤂ ꤊꤢ꤬ꤚꤤ꤬ꤞꤢꤨ꤬ ꤅:꤁꤇-꤂꤀; ꤊꤢ꤬ꤜꤢ꤬ꤒꤤ ꤂:꤂꤀; ꤃:꤁꤃; ꤅:꤂꤂-꤂꤅; ꤆:꤁꤅; ꤢꤩꤖꤢꤩꤎꤢꤨ꤬ ꤁:꤇ ꤂:꤈-꤂꤂; ꤄:꤁꤁-꤁꤆; ꤖꤤꤜꤤ꤬ꤕꤤ꤬ ꤂:꤁꤂-꤁꤃; ꤊꤢ꤬ꤜꤢꤪ꤬ꤎꤢꤧ ꤁:꤉-꤂꤂; ꤁ ꤞꤢꤩ꤬ꤎꤢ꤬ꤜꤢ꤬ꤔꤤ ꤅:꤂꤃-꤂꤄; ꤂ ꤒꤤ꤬ꤗꤢ꤬ꤞꤢꤩ꤬ ꤁:꤁꤂; ꤒꤤꤒꤢꤨ ꤂:꤁꤁-꤁꤄; ꤟꤤꤙꤚꤢꤨ ꤂:꤁-꤃; ꤅:꤈-꤉; ꤉:꤂꤄-꤂꤈; ꤁꤁:꤁-꤁꤂:꤈,꤁꤄; ꤡꤛꤢꤩ꤭ꤗꤢ꤬ꤎꤣ꤬ ꤂:꤁꤄-꤂꤆; ꤁ ꤕꤢꤩ꤬ꤒꤢ꤬ꤚꤢꤨ ꤁:꤂-꤂꤃; ꤁ ꤛꤥ꤭ꤟꤢ꤬ ꤁:꤆-꤂:꤁꤁; ꤒꤟꤢꤧ꤬ꤘꤛꤢꤩꤜꤟꤌꤣ꤭ꤓꤛꤢ꤬ ꤃:꤂꤀; ꤂꤁:꤁-꤂꤂:꤅꤯

  • ꤕꤟꤢꤧ꤬ ꤊꤤ꤬ ꤟꤢꤩꤏꤥ꤬ꤜꤟꤌꤣ꤭ ꤡꤢꤪꤗꤢ꤬ꤚꤛꤢ꤬ ꤔꤢ ꤕꤟꤢꤧ꤬ ꤗꤟꤢꤩ꤬ ꤒꤟꤢꤧ꤬ꤞꤢꤦꤒꤟꤢꤧ꤬ꤥ꤬ꤚꤢ꤬ ꤒꤢ꤬ꤟꤢꤩ꤬ ꤟꤢꤩꤔꤌꤣ꤬ꤗꤢ꤬ ꤡꤢꤪꤗꤢ꤬ꤚꤛꤢ꤬ ꤛꤢꤩ꤭ꤔꤌꤣ꤬ ꤢ꤬ꤡꤢꤪ ꤔꤢ ꤢ꤬ ꤒꤟꤢꤧ꤬ꤢꤪꤜꤟꤛꤢ꤬ ꤚꤢꤪ ꤢ꤬ ꤗꤟꤢꤩ꤬ꤒꤥ꤭ꤗꤟꤢꤩ꤬ꤙꤢꤧ꤬ ꤒꤟꤢꤧ꤬, ꤓꤌꤣ꤭ꤒꤥ꤬ ꤢ꤬ ꤊꤟꤢꤦ ꤕꤜꤝꤥ꤭ꤊꤛꤢ꤭ ꤕꤟꤢꤧ꤬ ꤒꤟꤢꤧ꤬ꤞꤢꤦ ꤜꤟꤢꤪ꤭꤮ ꤕꤜꤤ꤭ ꤚꤢꤪ ꤢ꤬ ꤊꤟꤢꤦ ꤗꤟꤢꤩ꤬ꤗꤝꤟꤥ꤭ꤕꤜꤤ꤭ ꤊꤟꤢ꤬ꤋꤛꤢꤩ꤭ ꤋꤛꤢꤩ꤭ꤞꤛꤢ ꤜꤟꤢꤪ꤭ ꤜꤟꤢꤪ꤭꤮ ꤕꤟꤢꤧ꤬ ꤗꤟꤢꤩ꤬ꤒꤟꤢꤧ꤬ꤒꤥ꤭ ꤒꤥ꤬ ꤔꤌꤣ꤬ꤒꤢ꤬ꤟꤢꤩ꤬ ꤕꤢ꤭꤯ ꤢꤨ꤭ꤕꤢꤩ꤭꤮ ꤒꤣ꤬ꤕꤚꤟꤢꤧ꤬ ꤙꤢꤧ꤬ꤙꤢꤧ꤬ ꤘꤣ ꤢ꤬ ꤔꤟꤤꤙꤢꤧ꤬ ꤢ꤬ꤖꤢꤨꤋꤢꤨ꤭ ꤛꤢꤩ꤭ꤔꤌꤣ꤬ꤗꤢ꤬, ꤢ꤬ ꤔꤟꤤꤙꤢꤧ꤬ꤟꤢꤪ ꤒꤟꤢꤧ꤬ꤓꤝꤟꤥ꤭ꤕꤚꤟꤢꤧ꤬ ꤛꤢꤩ꤭ꤔꤌꤣ꤬ ꤟꤢꤪ꤯ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤘꤛꤢꤩ ꤕꤟꤢꤧ꤬ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤒꤢ꤬ꤡꤟꤢꤨꤕꤚꤟꤢꤧ꤬꤯ ꤕꤟꤢꤧ꤬ ꤜꤢ꤬ꤡꤟꤢꤨꤊꤛꤢ꤭ ꤡꤟꤛꤢ ꤕꤢ꤭ ꤒꤟꤢꤧ꤬ꤗꤟꤢꤩ꤬ꤏꤤ꤬ꤕꤜꤢꤧꤊꤟꤢ꤬ ꤒꤥ꤬꤯

    ꤟꤢꤩ꤬ꤋꤢꤨ꤬ꤓꤝꤟꤥ꤭ꤜꤢꤨ ꤁꤂:꤁-꤂; ꤓꤢꤩ꤬ꤡꤛꤣꤏꤤ꤬ꤕꤜꤢꤧ ꤁꤉:꤅-꤈; ꤁ ꤏꤛꤢ꤬ꤗꤢꤨꤢꤩꤜꤢ꤬ ꤈:꤄-꤇,꤁꤉-꤂꤂; ꤛꤢ꤬ꤏꤛꤢꤛꤢ꤬ ꤅:꤁-꤇; ꤗꤢꤞꤢꤧ ꤁꤆:꤁꤈-꤁꤉; ꤂꤁:꤂꤈-꤄꤅; ꤂꤄:꤂꤂,꤃꤁; ꤂꤅:꤃꤄; ꤜꤢꤨꤊꤢ꤬ ꤁:꤆꤈-꤇꤉; ꤂:꤂꤉-꤃꤂; ꤁꤉:꤄꤁-꤄꤄; ꤂꤄:꤄꤄-꤄꤈; ꤛꤥ꤭ꤟꤢ꤬ ꤁:꤁꤂-꤁꤄; ꤃:꤁꤆; ꤅:꤂꤄; ꤆:꤄꤄-꤄꤅, ꤆꤅; ꤁꤀:꤂꤇-꤂꤉; ꤁꤅:꤁꤆; ꤁꤇:꤆,꤁꤂,꤁꤇-꤁꤈; ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤂꤀:꤃꤂; ꤚꤟꤥꤗꤢꤩ꤬ ꤅:꤉-꤁꤀; ꤈:꤂꤈-꤃꤉; ꤁꤀:꤁꤂-꤁꤅; ꤁꤁:꤅-꤇,꤂꤆-꤃꤆; ꤁ ꤊꤢ꤬ꤚꤤ꤬ꤞꤢꤨ꤬ ꤁:꤁-꤂; ꤁꤅:꤂꤄-꤂꤈; ꤢꤩꤖꤢꤩꤎꤢꤨ꤬ ꤁:꤄-꤂꤃; ꤂:꤁-꤁꤀; ꤃:꤁-꤁꤁; ꤊꤢ꤬ꤜꤢꤪ꤬ꤎꤢꤧ ꤁:꤁꤂-꤁꤄; ꤂ ꤞꤢꤩ꤬ꤎꤢ꤬ꤜꤢ꤬ꤔꤤ ꤂:꤁꤃-꤁꤄; ꤂ ꤒꤤ꤬ꤗꤢ꤬ꤞꤢꤩ꤬ ꤁:꤁꤂; ꤂:꤁꤀,꤁꤉; ꤟꤤꤙꤚꤢꤨ ꤁꤁:꤂꤉-꤁꤂:꤂; ꤡꤛꤢꤩ꤭ꤗꤢ꤬ꤎꤣ꤬ ꤁:꤁꤂; ꤁ ꤕꤢꤩ꤬ꤒꤢ꤬ꤚꤢꤨ ꤁:꤂-꤅,꤁꤃; ꤂:꤄-꤁꤀; ꤁ ꤛꤥ꤭ꤟꤢ꤬ ꤁:꤇-꤉; ꤂:꤁꤉; ꤃:꤂꤯

  • ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤕꤜꤢꤪꤗꤟꤢꤨ꤬ ꤗꤢ꤬ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤔꤟꤢꤩꤊꤜꤢꤪ꤯ ꤊꤢ꤬ꤛꤢ꤭ ꤘꤣ ꤢ꤬ꤔꤟꤤꤟꤌꤣ꤭ ꤒꤟꤢꤧ꤬ꤞꤢꤧꤊꤚꤟꤢꤦ꤭ꤗꤤ꤬ꤜꤢ꤬ ꤚꤢꤪ ꤢ꤬ꤐꤟꤢꤦꤢꤩ꤬ꤑꤟꤢꤢꤩ꤬ ꤒꤢ꤬ꤟꤢꤩ꤬ ꤔꤌꤣ꤬ ꤕꤜꤝꤥ꤭ꤊꤟꤢ꤬ ꤜꤢ꤬ꤟꤛꤢ꤭ ꤢ꤬ꤔꤟꤢꤩ ꤔꤢ ꤓꤛꤢꤩ꤭, ꤢꤩ꤬ꤥ꤭ ꤚꤟꤥꤜꤢꤨ꤭ ꤙꤛꤢ꤬ꤡꤢꤧ꤬ ꤢ꤬ꤒꤟꤢꤧ꤬ꤢꤩ꤬ꤡꤢ꤭ꤏꤢꤧ꤭ ꤗꤟꤢꤪꤟꤢꤩ ꤚꤢꤪ ꤊꤝꤤ꤭ꤡꤢꤪꤙꤢꤧ꤭ ꤚꤟꤥꤜꤢꤨ꤭꤯ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤕꤜꤢꤪꤗꤟꤢꤨ꤬ ꤗꤢ꤬ ꤢ꤬ꤥ꤬ꤔꤢ ꤒꤟꤢꤧ꤬ꤙꤢꤪꤞꤛꤥꤋꤢꤧꤋꤥ꤭ꤔꤟꤤ ꤜꤢꤨ꤭, ꤗꤟꤢꤩ꤬ꤡꤝꤟꤥ ꤔꤟꤤꤘꤛꤢꤩ ꤜꤢꤨ꤭ ꤒꤣ꤬ꤕꤚꤟꤢꤧ꤬ ꤔꤢ ꤒꤣ꤬ꤕꤚꤟꤢꤧ꤬, ꤡꤛꤣ ꤥ꤬ꤊꤢꤨꤥ꤬ꤊꤛꤢ ꤚꤟꤥꤜꤢꤨ꤭ ꤘꤣ ꤒꤟꤢꤧ꤬ꤡꤢꤪꤙꤢꤧ꤭ꤟꤥ꤭ ꤔꤢ ꤘꤣꤟꤤ꤬ꤘꤣꤖꤛꤢ꤭ ꤢ꤬ꤊꤢꤨ꤭ ꤚꤢꤪ ꤓꤢꤨ꤬ꤞꤢꤧꤓꤛꤢ꤬ ꤚꤟꤥꤜꤢꤨ꤭ ꤡꤢꤪꤗꤢ꤬ꤚꤛꤢ꤬꤯ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤕꤜꤢꤪꤗꤟꤢꤨ꤬ ꤋꤢꤨ꤬ꤊꤜꤢꤪꤋꤢꤨ꤬ꤊꤜꤛꤢ꤭ ꤒꤢ꤬ꤟꤢꤩ꤬ ꤗꤢ꤬ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤕꤜꤢꤪꤗꤟꤢꤨ꤬ ꤞꤢꤚꤢ ꤔꤢ ꤕꤚꤟꤢꤧ꤬ꤗꤟꤢꤩ꤬ꤡꤝꤟꤥꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤖꤢꤨ ꤒꤢ꤬ꤟꤢꤩ꤬꤯

    ꤗꤢꤞꤢꤧ ꤁꤆:꤁꤅-꤁꤉, ꤁꤈:꤁꤅-꤂꤀, ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤂:꤄꤁-꤄꤂,꤄꤇; ꤅:꤁꤁-꤁꤄; ꤆:꤃-꤆; ꤁꤃:꤁-꤃; ꤁꤄:꤂꤃,꤂꤇; ꤁꤅:꤁-꤃꤀; ꤁꤆:꤅; ꤂꤀:꤂꤈; ꤚꤟꤥꤗꤢꤩ꤬ ꤁:꤇; ꤁ ꤊꤢ꤬ꤚꤤ꤬ꤞꤢꤨ꤬ ꤁:꤂; ꤃:꤁꤆; ꤅:꤄-꤅; ꤇:꤁꤇; ꤉:꤁꤃-꤁꤄; ꤁꤂; ꤢꤩꤖꤢꤩꤎꤢꤨ꤬ ꤁:꤂꤂-꤂꤃; ꤂:꤁꤉-꤂꤂; ꤃:꤈-꤁꤁,꤂꤁; ꤅:꤂꤂-꤃꤂; ꤖꤤꤜꤤ꤬ꤕꤤ꤬ ꤁:꤁; ꤊꤢ꤬ꤜꤢꤪ꤬ꤎꤢꤧ ꤁:꤁꤈; ꤁ ꤒꤤ꤬ꤗꤢ꤬ꤞꤢꤩ꤬ ꤂:꤉-꤁꤄; ꤃:꤁-꤁꤅; ꤄:꤁꤄; ꤟꤤꤙꤚꤢꤨ ꤁꤁:꤃꤉-꤄꤀; ꤁ ꤕꤢꤩ꤬ꤒꤢ꤬ꤚꤢꤨ ꤅:꤁-꤄; ꤒꤟꤢꤧ꤬ꤘꤛꤢꤩꤜꤟꤌꤣ꤭ꤓꤛꤢ꤬ ꤂-꤃; ꤂꤁:꤂-꤃꤯

  • ꤋꤚꤤꤖꤢꤨ ꤢ꤬ꤒꤟꤢꤧ꤬ꤕꤜꤝꤥ꤭ꤓꤛꤢꤩ꤭ ꤗꤢ꤬ ꤡꤟꤢꤩ꤬ꤒꤟꤢ꤭ꤜꤢ꤭ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤖꤢꤨ ꤘꤣ ꤓꤛꤢꤩ꤭ꤊꤢꤨ꤭ ꤔꤢ ꤖꤢꤧ꤭ ꤢ꤬ꤗꤝꤟꤤ꤬, ꤖꤢꤨꤋꤢꤨ꤭ ꤢ꤬ꤗꤝꤟꤤ꤬ ꤔꤢ ꤞꤢꤧꤡꤢ꤭ꤏꤢꤧ꤭ ꤙꤛꤢ꤬ꤡꤢꤧ꤬ ꤢ꤬ꤗꤝꤟꤤ꤬꤯ ꤒꤟꤢꤧ꤬ꤕꤜꤝꤥ꤭ꤓꤛꤢꤩ꤭ ꤗꤢ꤬ ꤔꤟꤤꤘꤢ꤭ ꤡꤟꤢꤨ꤭ꤢꤩ꤬ ꤊꤚꤝꤥ꤭ꤗꤟꤢꤩ꤬ ꤊꤟꤌꤣ꤭ ꤖꤢꤨ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤗꤟꤢꤩ꤬ꤙꤢꤙꤢꤦ꤭ꤊꤛꤢ꤭ ꤔꤌꤣ꤬, ꤚꤢꤪ ꤢ꤬ꤞꤛꤢꤟꤢꤪ ꤔꤢ ꤕꤟꤢꤧ꤬ ꤞꤛꤢꤩ꤭ ꤒꤟꤣꤊꤟꤌꤣ꤭ ꤟꤢꤪ ꤔꤢ ꤋꤚꤤ ꤟꤢꤪ, ꤚꤢꤪ ꤢꤨ꤭ ꤤ꤬ꤜꤟꤌꤣ ꤒꤟꤢ꤭ꤒꤟꤣꤊꤟꤌꤣ꤭ ꤟꤢꤪ ꤕꤟꤢꤧ꤬ ꤔꤢ ꤋꤚꤤ ꤘꤣ ꤜꤟꤌꤣ꤭ꤊꤢꤨ꤭ ꤟꤢꤪ꤯ ꤘꤣ ꤕꤟꤢꤧ꤬ꤖꤢꤧ꤭ ꤡꤢꤪꤗꤢ꤬ꤚꤛꤢ꤬ ꤢ꤬ ꤒꤟꤢꤧ꤬ꤒꤢ꤬ꤚꤛꤢꤩ꤭ꤘꤢꤨ꤬ꤓꤢꤨ꤭ ꤕꤚꤟꤥ꤬ꤕꤚꤟꤛꤢ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭, ꤖꤢꤨ ꤢ꤬ ꤗꤟꤢꤩ꤬ꤓꤝꤟꤥ꤭ꤕꤚꤟꤢꤧ꤬ ꤊꤟꤢ꤬ꤋꤛꤢꤩ꤭ ꤋꤛꤢꤩ꤭ꤞꤛꤢ ꤋꤚꤤ ꤘꤣ ꤒꤟꤢꤧ꤬ꤞꤛꤢꤩ꤭ ꤢ꤬ꤊꤢꤨ꤭ꤔꤌꤣ꤬, ꤢ꤬ ꤊꤟꤢꤦ ꤘꤛꤢꤩ ꤥ꤬ꤓꤝꤟꤥ꤭ꤕꤚꤟꤢꤧ꤬ ꤊꤟꤌꤣ꤭ ꤕꤟꤢꤧ꤬ ꤛꤢꤩ꤭ꤒꤢ꤬ꤟꤢꤩ꤬ ꤔꤢ ꤒꤟꤢꤧ꤬ꤓꤝꤟꤥ꤭ꤕꤚꤟꤢꤧ꤬ ꤢ꤬ꤞꤢꤧ꤭ ꤕꤢ꤭꤯

    ꤙꤛꤢ꤬ꤡꤢꤧ꤬ ꤢ꤬ꤒꤟꤢꤧ꤬ꤢꤩ꤬ꤡꤢ꤭ꤏꤢꤧ꤭ ꤗꤟꤢꤪꤟꤢꤩ ꤗꤢ꤬ ꤔꤟꤤꤘꤢ꤭ ꤡꤟꤢꤨ꤭ꤢꤩ꤬ ꤊꤚꤝꤥ꤭ꤗꤟꤢꤩ꤬ ꤊꤟꤌꤣ꤭ꤖꤢꤨ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤗꤢꤩ꤬ꤊꤛꤢ꤭ ꤍꤟꤥ ꤔꤌꤣ꤬, ꤚꤢꤪ ꤢꤩ꤬ꤥ꤭ ꤚꤟꤥꤜꤢꤨ꤭ ꤋꤢꤪꤗꤢꤨ꤭ ꤔꤢ ꤎꤢ꤬ꤕꤛꤤꤓꤛꤢꤩ꤭ ꤛꤢꤩ꤭ꤔꤌꤣ꤬ꤗꤢ꤬ ꤗꤟꤢꤟꤢꤪ ꤟꤢꤩꤏꤥ꤬ꤜꤟꤌꤣ꤭ꤓꤛꤢ꤬ ꤟꤢꤪ ꤙꤛꤢ꤬ꤡꤢꤧ꤬ ꤢ꤬ꤒꤟꤢꤧ꤬ꤞꤛꤢꤩ꤭ ꤢ꤬ꤚꤤ꤬ꤢ꤬ꤊꤛꤢ꤭ ꤒꤟꤌꤣ ꤟꤢꤪ ꤘꤣ ꤢ꤬ ꤟꤛꤢ꤭ ꤋꤛꤢꤩ꤭ꤞꤛꤢ ꤕꤢ꤭ ꤒꤣ꤬ꤖꤟꤌꤣ ꤔꤌꤣ꤬ ꤟꤢꤪ꤯

    ꤗꤢꤞꤢꤧ ꤃:꤁꤃-꤁꤇; ꤂꤆:꤂꤆-꤃꤀; ꤂꤈:꤁꤉-꤂꤀; ꤗꤢ꤬ꤊꤢꤨ ꤁:꤉-꤁꤁; ꤁꤄:꤂꤂-꤂꤆; ꤜꤢꤨꤊꤢ꤬ ꤃:꤂꤁-꤂꤂; ꤂꤂:꤁꤉-꤂꤀; ꤛꤥ꤭ꤟꤢ꤬ ꤃:꤂꤃; ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤂:꤄꤁-꤄꤂; ꤈:꤃꤅-꤃꤉; ꤁꤆:꤃꤀-꤃꤃; ꤂꤀:꤇; ꤚꤟꤥꤗꤢꤩ꤬ ꤆:꤃-꤅; ꤁ ꤊꤢ꤬ꤚꤤ꤬ꤞꤢꤨ꤬ ꤁꤀:꤁꤆,꤂꤁; ꤁꤁:꤂꤃-꤂꤉; ꤊꤢ꤬ꤜꤢꤪ꤬ꤎꤢꤧ ꤂:꤁꤂꤯

  • ꤗꤟꤢꤪꤑꤢꤩ꤭ ꤞꤌꤣ꤭ꤞꤛꤥꤒꤣ꤬ꤑꤢꤩ꤭ ꤊꤢ꤬ꤜꤢꤨꤜꤣ ꤒꤣ꤬ꤑꤢꤩ꤭ ꤗꤢ꤬ ꤙꤛꤢ꤬ꤡꤢꤧ꤬ ꤢ꤬ꤗꤟꤢꤪꤑꤢꤩ꤭꤯ ꤛꤢꤩ꤭ꤗꤢ꤬ ꤋꤚꤤꤖꤢꤨ ꤢ꤬ꤒꤟꤢꤧ꤬ꤙꤢꤩ꤬ꤒꤟꤢ꤭ ꤥ꤬ꤔꤟꤤ ꤔꤢ ꤜꤟꤢꤩ ꤞꤢꤧꤔꤟꤢꤩꤓꤛꤢ꤬ ꤔꤟꤤ ꤕꤝꤟꤥ꤭ꤖꤟꤌꤣ꤯ ꤗꤟꤢ ꤒꤟꤢꤧ꤬ꤗꤟꤢꤩ꤬ꤜꤤ꤭ꤗꤟꤢꤩ꤬ꤒꤢ꤬ꤋꤢꤧ꤭ ꤔꤟꤤ ꤋꤚꤤ ꤢ꤬ꤒꤟꤢꤧ꤬ꤞꤛꤢꤩ꤭ ꤤ꤬ꤓꤢꤪ꤬ꤓꤝꤟꤥ꤭ꤕꤚꤟꤢꤧ꤬ ꤊꤟꤢ꤬ꤋꤛꤢꤩ꤭ ꤚꤢꤪ ꤢ꤬ ꤒꤥ꤭ꤙꤢꤧ꤬ ꤥ꤬ꤕꤢ꤬ ꤔꤢ ꤒꤟꤢꤧ꤬ꤡꤢꤪꤙꤢꤨ꤬ꤡꤢꤪꤙꤢꤧ꤭ ꤔꤢ ꤖꤛꤢꤩꤏꤛꤣꤋꤢꤧ꤭ ꤘꤣꤞꤢꤨ꤬ꤘꤣꤞꤢꤧ ꤢ꤬ꤑꤢꤩ꤭꤯ ꤒꤟꤢꤧ꤬ꤊꤟꤢꤨꤊꤟꤢꤚꤟꤢꤨꤚꤟꤛꤢ꤬ ꤘꤣ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤖꤢꤨ ꤗꤟꤢꤩ꤬ ꤙꤤ ꤙꤛꤢ꤬ꤡꤢꤧ꤬ ꤢ꤬ꤗꤟꤢꤪꤑꤢꤩ꤭ ꤒꤢ꤬ꤟꤢꤩ꤬ ꤔꤌꤣ꤬ ꤢ꤬ꤒꤥ꤭ꤙꤢꤧ꤬ ꤘꤛꤢꤩꤜꤟꤌꤣ꤭ ꤋꤚꤤ, ꤖꤢꤨ꤮ ꤙꤛꤢ꤬ꤡꤢꤧ꤬ ꤒꤣ꤬ꤕꤚꤟꤢꤧ꤬꤯

    ꤓꤢꤩ꤬ꤡꤛꤣꤏꤤ꤬ꤕꤜꤢꤧ ꤂꤀:꤈-꤁꤁, ꤗꤢꤞꤢꤧ ꤁꤂:꤁-꤁꤂; ꤗꤢ꤬ꤊꤢꤨ ꤂:꤂꤇-꤂꤈; ꤁꤆:꤁-꤇; ꤜꤢꤨꤊꤢ꤬ ꤂꤄:꤁-꤃,꤃꤃-꤃꤆; ꤛꤥ꤭ꤟꤢ꤬ ꤄:꤂꤁-꤂꤄; ꤂꤀:꤁,꤁꤉-꤂꤈; ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤂꤀:꤇; ꤚꤟꤥꤗꤢꤩ꤬ ꤁꤄:꤅-꤁꤀; ꤁ ꤊꤢ꤬ꤚꤤ꤬ꤞꤢꤨ꤬ ꤁꤆:꤁-꤂; ꤊꤢ꤬ꤜꤢꤪ꤬ꤎꤢꤧ ꤂:꤁꤆; ꤃:꤁꤆; ꤒꤟꤢꤧ꤬ꤘꤛꤢꤩꤜꤟꤌꤣ꤭ꤓꤛꤢ꤬ ꤁:꤁꤀꤯

  • ꤡꤢꤪꤗꤢ꤬ꤚꤛꤢ꤬ ꤢ꤬ꤏꤛꤣꤢ꤬ꤋꤢꤧ꤭ ꤔꤢ ꤢ꤬ꤒꤟꤢꤧ꤬ꤒꤢ꤬ꤚꤤ꤬ꤒꤢ꤬ꤚꤛꤢ꤭ ꤊꤟꤢꤦ ꤗꤟꤢꤩ꤬ꤒꤢ꤬ꤘꤢꤦ꤬ꤊꤛꤢ꤭ ꤟꤢꤩ꤬ꤋꤢꤨ꤬ ꤕꤢ꤭꤯ ꤢ꤬ꤒꤟꤢꤧ꤬ꤢꤪꤜꤟꤛꤢ꤬ ꤥ꤬ꤔꤢ, ꤛꤢꤩ꤬ꤏꤛꤢꤨꤋꤚꤤ ꤊꤟꤢꤦ ꤟꤛꤢ꤭ꤜꤟꤛꤢ꤬ ꤕꤣ ꤋꤛꤢꤩ꤭ꤞꤛꤢ ꤟꤢꤩ꤬ꤋꤢꤨ꤬ ꤕꤢ꤭꤯ ꤕꤚꤟꤢꤧ꤬ꤘꤣ ꤢ꤬ꤞꤛꤢꤩ꤭ꤓꤌꤣ꤭ ꤟꤢꤪ ꤒꤢ꤬ꤟꤢꤩ꤬ ꤊꤟꤢꤦ ꤊꤢ꤬ꤓꤢꤪ꤬ ꤕꤢ꤭ ꤚꤢꤪ ꤋꤚꤤ ꤊꤟꤢꤦ ꤡꤤ꤬ꤚꤛꤢ꤬ ꤜꤟꤢꤪ꤭ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤕꤝꤟꤥ꤭꤮ ꤒꤣ꤬ꤕꤚꤟꤢꤧ꤬ ꤖꤢꤨ ꤢ꤬ꤒꤟꤢꤧ꤬ꤡꤢꤪꤒꤟꤢꤧ꤬ꤒꤟꤢꤩ꤬ ꤔꤌꤣ꤬ ꤕꤢ꤭꤯ ꤕꤚꤟꤢꤧ꤬ꤘꤣ ꤢ꤬ꤡꤢꤪꤢ꤬ꤒꤟꤢꤩ꤬ ꤒꤥ꤬ ꤒꤢ꤬ꤟꤢꤩ꤬ ꤊꤟꤢꤦ ꤞꤢꤨ꤭ꤡꤛꤣ ꤢꤧ꤬ꤞꤤ꤭ ꤘꤣ ꤍꤢ꤬ꤚꤢ꤬ ꤗꤟꤢ ꤒꤟꤢꤧ꤬ꤡꤤ꤬ꤚꤛꤢ꤬ ꤒꤢ꤬ꤡꤟꤢꤨꤕꤚꤟꤢꤧ꤬ ꤢ꤬ꤋꤢ꤭ꤜꤟꤢꤩ꤯ ꤕꤚꤟꤢꤧ꤬ꤡꤢꤪꤕꤚꤟꤢꤧ꤬ꤒꤟꤢꤩ꤬ ꤒꤢ꤬ꤟꤢꤩ꤬ ꤊꤟꤢꤦ ꤔꤟꤤꤙꤢꤧ꤬ ꤔꤟꤢꤩꤊꤜꤢꤪ ꤢ꤬ꤞꤢꤧ꤭ ꤢ꤬ꤒꤟꤢꤧ꤬ꤜꤤ꤭ꤒꤟꤢꤧ꤬ꤒꤢ꤬ꤋꤢꤧ꤭ ꤕꤢ꤭, ꤢꤧ꤬ꤞꤤ꤭ ꤊꤟꤢꤦ ꤔꤟꤤꤙꤢꤧ꤬ ꤢ꤬ꤋꤥꤢ꤬ꤊꤢꤧ꤬ ꤕꤢ꤭ ꤚꤢꤪ ꤊꤟꤢꤦ ꤊꤟꤢ꤬ꤥ꤬ꤒꤟꤣ ꤊꤟꤌꤣ꤭ ꤔꤢ ꤙꤛꤢ꤬ꤡꤢꤧ꤬ ꤒꤢ꤬ꤡꤟꤢꤨꤕꤚꤟꤢꤧ꤬ ꤘꤣ ꤗꤢꤪꤋꤢꤨ꤬ ꤕꤢ꤭꤯

    ꤛꤢ꤬ꤏꤛꤢꤛꤢ꤬ ꤂:꤄; ꤁꤁:꤉; ꤗꤢꤞꤢꤧ ꤁꤆:꤂꤇; ꤁꤈:꤈-꤉; ꤁꤉:꤂꤈; ꤂꤄:꤂꤇,꤃꤀,꤃꤆,꤄꤄; ꤂꤅:꤃꤁-꤄꤆; ꤂꤆:꤆꤄; ꤗꤢ꤬ꤊꤢꤨ ꤈:꤃꤈; ꤉:꤄꤃-꤄꤈; ꤜꤢꤨꤊꤢ꤬ ꤁꤂:꤄꤀,꤄꤈; ꤁꤆:꤁꤉-꤂꤆; ꤁꤇:꤂꤂-꤃꤇; ꤂꤁:꤂꤇-꤂꤈; ꤛꤥ꤭ꤟꤢ꤬ ꤁꤄:꤁-꤃; ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤁:꤁꤁; ꤁꤇:꤃꤁; ꤚꤟꤥꤗꤢꤩ꤬ ꤁꤄:꤁꤀; ꤁ ꤊꤢ꤬ꤚꤤ꤬ꤞꤢꤨ꤬ ꤄:꤅; ꤁꤅:꤂꤄-꤂꤈,꤃꤅-꤅꤈; ꤂ ꤊꤢ꤬ꤚꤤ꤬ꤞꤢꤨ꤬ ꤅:꤁꤀; ꤖꤤꤜꤤ꤬ꤕꤤ꤬ ꤃:꤂꤀-꤂꤁; ꤊꤢ꤬ꤜꤢꤪ꤬ꤎꤢꤧ ꤁:꤅; ꤃:꤄; ꤁ ꤞꤢꤩ꤬ꤎꤢ꤬ꤜꤢ꤬ꤔꤤ ꤄:꤁꤄-꤁꤈; ꤂ ꤞꤢꤩ꤬ꤎꤢ꤬ꤜꤢ꤬ꤔꤤ ꤂; ꤁ ꤒꤤ꤬ꤗꤢ꤬ꤞꤢꤩ꤬ ꤆:꤁꤄; ꤂ ꤒꤤ꤬ꤗꤢ꤬ꤞꤢꤩ꤬ ꤄:꤁,꤈; ꤒꤤꤒꤢꤨ ꤂:꤁꤃; ꤟꤤꤙꤚꤢꤨ ꤉:꤂꤇-꤂꤈; ꤡꤛꤢꤩ꤭ꤗꤢ꤬ꤎꤣ꤬ ꤅:꤈; ꤁ ꤛꤥ꤭ꤟꤢ꤬ ꤂:꤂꤈; ꤃:꤂; ꤛꤢꤨꤘꤢ꤬ ꤁꤄; ꤒꤟꤢꤧ꤬ꤘꤛꤢꤩꤜꤟꤌꤣ꤭ꤓꤛꤢ꤬ ꤁:꤁꤈; ꤃:꤁꤁; ꤂꤀:꤁-꤂꤂:꤁꤃꤯

  • ꤊꤢ꤬ꤛꤢ꤭ ꤘꤣ ꤢ꤬ꤊꤚꤝꤥ꤭ ꤋꤚꤤ ꤢ꤬ꤋꤛꤢꤩ꤭ ꤕꤝꤟꤥ꤭꤮ ꤒꤣ꤬ꤕꤚꤟꤢꤧ꤬ ꤔꤢ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤕꤜꤢꤪꤗꤟꤢꤨ꤬ ꤕꤝꤟꤥ꤭꤮ ꤒꤣ꤬ꤗꤟꤢꤨ꤬ ꤢ꤬ꤒꤟꤢꤧ꤬ꤘꤛꤢ꤬ꤋꤢꤨ꤬ ꤥ꤬ꤔꤢ ꤒꤥ꤭ꤙꤢꤧ꤬ ꤗꤟꤢꤩ꤬, ꤒꤥ꤭ꤙꤢꤧ꤬ ꤡꤛꤣꤗꤟꤢꤩ꤬ꤓꤝꤟꤥ꤭ꤓꤛꤢ꤬ ꤊꤢ꤬ꤛꤢ꤭ ꤗꤛꤢꤩ꤭ꤡꤣ꤬ ꤒꤢ꤬ꤟꤢꤩ꤬ ꤔꤢ ꤋꤚꤤ ꤢ꤬ꤋꤥ꤭ꤕꤢ꤬ꤡꤟꤢꤧ꤯ ꤊꤢ꤬ꤛꤢ꤭ ꤘꤣ ꤢ꤬ꤥ꤬ꤕꤢ꤬ꤡꤟꤢꤧꤜꤟꤛꤢ꤬ ꤔꤢ ꤡꤢꤪꤗꤢ꤬ꤚꤛꤢ꤬ ꤢ꤬ꤞꤢꤧꤡꤢ꤭ꤏꤢꤧ꤭ ꤔꤌꤣ꤬ꤗꤢ꤬ ꤢ꤬ꤗꤟꤥ꤬ ꤔꤟꤤꤘꤛꤢꤩ ꤢꤨ꤭ꤚꤟꤌꤣ꤬꤯ ꤒꤟꤢꤧ꤬ꤘꤣ ꤢ꤬ꤜꤥ꤬ꤘꤢꤨ꤬ꤜꤣ ꤘꤣ ꤕꤚꤟꤢꤧ꤬ꤗꤟꤢꤩ꤬ ꤒꤟꤢꤧ꤬ꤞꤢꤧꤊꤚꤟꤢꤦ꤭ꤗꤤ꤬ꤜꤢ꤬ ꤒꤣ꤬ꤕꤚꤟꤢꤧ꤬ ꤔꤌꤣ꤬ꤗꤢ꤬ ꤒꤥ꤭ꤙꤢꤧ꤬ ꤓꤢꤨ꤬ꤜꤟꤛꤢ꤬ ꤒꤢ꤬ꤊꤜꤛꤢ꤬ ꤔꤟꤤꤘꤛꤢꤩ ꤢ꤬ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬꤯ ꤕꤚꤟꤢꤧ꤬ꤗꤟꤢꤩ꤬ꤒꤟꤢꤧ꤬ꤞꤢꤧꤊꤚꤟꤢꤦ꤭ꤗꤤ꤬ꤜꤢ꤬ ꤢ꤬ꤒꤟꤢꤧ꤬ꤖꤛꤢꤩꤒꤟꤢꤧ꤬ꤗꤟꤢꤩ꤬ ꤗꤢ꤬ ꤢ꤬ꤙꤢꤧ꤬ ꤟꤢꤩꤏꤥ꤬ ꤞꤢꤧꤑꤢꤩ꤭ꤒꤟꤢ꤭ꤕꤜꤢꤨ ꤕꤢꤩ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤖꤢꤨ ꤒꤢ꤬ꤟꤢꤩ꤬ ꤕꤝꤟꤥ꤭꤮ ꤖꤟꤌꤣ ꤔꤢ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤒꤟꤢꤧ꤬ꤗꤢꤩ꤬ꤊꤛꤢ꤭ꤍꤟꤥ ꤒꤢ꤬ꤟꤢꤩ꤬꤯ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤒꤟꤢꤧ꤬ꤗꤢꤩ꤬ꤊꤛꤢ꤭ꤍꤟꤥ ꤗꤢ꤬ ꤡꤛꤣꤟꤢꤩꤏꤥ꤬ ꤒꤟꤢꤧ꤬ꤞꤢꤧꤊꤚꤟꤢꤦ꤭ꤗꤤ꤬ꤜꤢ꤬ ꤔꤢ ꤗꤛꤢꤩ꤭ꤡꤣ꤬ ꤜꤟꤢꤪ꤭ꤕꤜꤤ꤭꤯ ꤡꤢꤪꤗꤢ꤬ꤚꤛꤢ꤬ ꤢ꤬ꤖꤢꤨ ꤕꤝꤟꤥ꤭꤮ ꤒꤣ꤬ꤕꤚꤟꤢꤧ꤬ ꤢ꤬ꤒꤟꤢꤧ꤬ꤖꤛꤢꤩꤒꤟꤢꤧ꤬ꤗꤟꤢꤩ꤬ ꤘꤣ ꤢ꤬ꤙꤢꤧ꤬ ꤗꤟꤢꤩ꤬ ꤕꤝꤟꤥ꤭꤮ꤖꤟꤌꤣ ꤔꤌꤣ꤬ꤗꤢ꤬ ꤋꤛꤢꤜꤟꤌꤣ꤭ ꤕꤢꤩ ꤊꤢ꤬ꤛꤢ꤭ ꤘꤣ ꤢ꤬ꤜꤢ꤬ꤗꤟꤢꤩ ꤒꤢ꤬ꤟꤢꤩ꤬ ꤔꤢ ꤋꤚꤤ ꤢ꤬ꤒꤟꤢꤧ꤬ꤞꤢꤧꤊꤚꤟꤢꤦ꤭ꤗꤤ꤬ꤜꤢ꤬ ꤔꤢ ꤋꤚꤤꤖꤢꤨ ꤢ꤬ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬, ꤔꤢ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤖꤢꤨ ꤢ꤬ꤒꤟꤢꤧ꤬ꤤ꤬ꤞꤛꤥꤤ꤬ꤞꤛꤢ꤬꤯

    ꤟꤢꤩ꤬ꤋꤢꤨ꤬ꤓꤝꤟꤥ꤭ꤜꤢꤨ ꤁꤂:꤁-꤃; ꤓꤢꤩ꤬ꤡꤛꤣꤏꤤ꤬ꤕꤜꤢꤧ ꤁꤉:꤅-꤆; ꤛꤢ꤬ꤏꤛꤢꤛꤢ꤬ ꤆:꤁-꤈; ꤗꤢꤞꤢꤧ ꤉:꤃꤇-꤃꤈; ꤁꤀:꤅-꤁꤅; ꤁꤃:꤁꤈-꤃꤀,꤃꤇-꤄꤃; ꤁꤆:꤁꤉; ꤂꤂:꤉-꤁꤀; ꤂꤄:꤁꤄; ꤂꤈:꤁꤈-꤂꤀; ꤜꤢꤨꤊꤢ꤬ ꤁꤀:꤁-꤁꤈; ꤂꤄:꤄꤆-꤅꤃; ꤛꤥ꤭ꤟꤢ꤬ ꤁꤄:꤁꤁-꤁꤂; ꤁꤅:꤇-꤈,꤁꤆; ꤁꤇:꤁꤅; ꤂꤀:꤂꤁; ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤁:꤈; ꤂; ꤈:꤂꤆-꤄꤀; ꤁꤀:꤄꤂-꤄꤈; ꤁꤃:꤂-꤃; ꤚꤟꤥꤗꤢꤩ꤬ ꤁꤀:꤁꤃-꤁꤅; ꤢꤩꤖꤢꤩꤎꤢꤨ꤬ ꤃:꤃-꤁꤁; ꤁ ꤞꤢꤩ꤬ꤎꤢ꤬ꤜꤢ꤬ꤔꤤ ꤁:꤈; ꤂ ꤒꤤ꤬ꤗꤢ꤬ꤞꤢꤩ꤬ ꤄:꤅; ꤟꤤꤙꤚꤢꤨ ꤂:꤁-꤃; ꤁꤁:꤃꤉-꤁꤂:꤂; ꤁ ꤕꤢꤩ꤬ꤒꤢ꤬ꤚꤢꤨ ꤂:꤄-꤁꤀; ꤒꤟꤢꤧ꤬ꤘꤛꤢꤩꤜꤟꤌꤣ꤭ꤓꤛꤢ꤬ ꤂꤂:꤁꤇꤯

  • ꤡꤢꤪꤗꤢ꤬ꤚꤛꤢ꤬ ꤗꤢ꤬ ꤕꤚꤟꤢꤧ꤬ꤘꤣ ꤢ꤬ꤏꤢꤪ꤭ꤚꤤ꤬ ꤡꤟꤛꤢ ꤜꤟꤢꤪ꤭ ꤒꤟꤢꤧ꤬ꤒꤢ꤬ꤕꤜꤌꤣ꤬ꤒꤢ꤬ꤕꤜꤛꤢ ꤔꤢ ꤒꤟꤢꤧ꤬ꤒꤢ꤬ꤡꤟꤢꤨꤕꤚꤟꤢꤧ꤬꤯ ꤜꤟꤢꤪ꤭ ꤮ ꤒꤟꤢꤧ꤬ ꤘꤣ ꤢ꤬ꤥ꤬ ꤔꤢ ꤕꤟꤢꤧ꤬ ꤒꤢ꤬ꤟꤢꤩ꤬ ꤔꤌꤣ꤬ꤗꤢ꤬ ꤗꤟꤢꤟꤢꤪ ꤡꤢꤪꤗꤢ꤬ꤚꤛꤢ꤬ ꤢ꤬ꤒꤟꤢꤧ꤬꤯ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤖꤢꤨ ꤕꤝꤟꤥ꤭꤮ ꤒꤣ꤬ꤕꤚꤟꤢꤧ꤬ ꤗꤢ꤬ ꤢ꤬ꤒꤟꤢꤧ꤬ꤘꤛꤢ꤬ꤋꤢꤨ꤬ ꤥ꤬ꤔꤢ ꤒꤥ꤭ꤙꤢꤧ꤬ ꤡꤛꤣꤟꤢꤩꤏꤥ꤬ ꤒꤟꤢꤧ꤬ꤞꤢꤧꤊꤚꤟꤢꤦ꤭ꤗꤤ꤬ꤜꤢ꤬, ꤚꤢꤪ ꤒꤟꤢꤧ꤬ꤘꤣ ꤢ꤬ꤥ꤬ꤔꤢ ꤢꤧ꤬ꤞꤤ꤭ ꤒꤢ꤬ꤟꤢꤩ꤬ꤔꤌꤣ꤬ ꤒꤥ꤭ꤙꤢꤧ꤬ ꤘꤛꤢꤩꤒꤟꤢ꤭ ꤘꤣ ꤒꤟꤢꤧ꤬ꤞꤢꤧꤊꤚꤟꤢꤦ꤭ꤗꤤ꤬ꤜꤢ꤬ ꤢ꤬ꤑꤢꤩ꤭꤯ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤖꤢꤨ ꤒꤢ꤬ꤟꤢꤩ꤬ ꤢ꤬ꤒꤟꤢꤧ꤬ꤏꤛꤣꤒꤟꤢꤧ꤬ꤋꤢꤧ꤭, ꤢ꤬ꤒꤟꤢꤧ꤬ꤡꤟꤛꤢꤒꤟꤢꤧ꤬ꤘꤢꤧ꤬ ꤔꤢ ꤢ꤬ꤒꤟꤢ꤭ꤗꤟꤌꤣꤒꤟꤢ꤭ꤒꤟꤢꤧ꤬ ꤞꤤ꤭ꤒꤢ꤬ꤟꤢꤩ꤬ ꤔꤌꤣ꤬ ꤒꤥ꤭ꤙꤢꤧ꤬ ꤔꤢꤪ꤭ꤢꤩ꤬ ꤔꤟꤤꤘꤛꤢꤩ ꤢꤧ꤬ ꤘꤣ ꤡꤢꤪꤗꤢ꤬ꤚꤛꤢ꤬ ꤢ꤬ꤒꤟꤢꤧ꤬ꤜꤤ꤭ꤒꤟꤢꤧ꤬ꤒꤢ꤬ꤋꤢꤧ꤭ ꤢ꤬ꤑꤢꤩ꤭ ꤔꤢ ꤗꤟꤢꤩ꤬ꤡꤝꤟꤥ ꤔꤟꤤꤘꤛꤢꤩ ꤢꤨ꤭ꤚꤟꤌꤣ꤭꤯ ꤖꤢꤨ ꤡꤢꤪꤗꤢ꤬ꤚꤛꤢ꤬ ꤢ꤬ꤜꤟꤢ꤭ꤢ꤬ꤍꤟꤥ ꤥ꤬ꤔꤌꤣ꤬, ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤖꤢꤨ ꤒꤢ꤬ꤟꤢꤩ꤬ ꤒꤥ꤭ꤙꤢꤧ꤬ ꤘꤛꤢꤩꤡꤝꤟꤥ ꤔꤟꤤꤘꤛꤢꤩ ꤢꤧ꤬ꤞꤤ꤭ ꤚꤢꤦ꤭ ꤔꤢ ꤒꤟꤢꤧ꤬ꤞꤢꤧꤊꤚꤟꤢꤦ꤭ꤞꤢꤧꤜꤟꤢꤪ꤭, ꤢ꤬ ꤒꤥ꤭ꤙꤢꤧ꤬ ꤘꤛꤢꤩ ꤕꤝꤟꤥ꤭ꤖꤟꤌꤣ, ꤢ꤬ ꤒꤥ꤭ꤙꤢꤧ꤬ ꤘꤛꤢꤩ ꤖꤢꤨ꤮ ꤢ꤬ꤊꤜꤛꤢꤢ꤬ꤊꤜꤥ꤭ ꤥ꤬ꤔꤌꤣ꤬, ꤓꤌꤣ꤭ꤒꤥ꤭ ꤢ꤬ ꤒꤥ꤭ꤙꤢꤧ꤬ ꤘꤛꤢꤩ ꤔꤢ ꤒꤟꤢꤧ꤬ꤘꤛꤢꤩꤐꤢꤨ꤭ꤘꤛꤢꤩꤗꤟꤥ꤬ ꤘꤣ ꤡꤢꤪꤗꤢ꤬ꤚꤛꤢ꤬ ꤢ꤬ꤒꤟꤢꤧ꤬ꤖꤛꤢꤩꤒꤟꤢꤧ꤬ꤗꤟꤢꤩ꤬ ꤢ꤬ꤑꤢꤩ꤭ ꤙꤤ ꤟꤢꤩ꤬ꤋꤢꤨ꤬ ꤛꤢꤩ꤭꤯

    ꤟꤢꤩ꤬ꤋꤢꤨ꤬ꤓꤝꤟꤥ꤭ꤜꤢꤨ ꤁꤄:꤂꤀; ꤡꤢꤪꤙꤢꤨ꤬ꤡꤢꤪꤙꤢꤧ꤭ ꤂꤇:꤃꤀-꤃꤂; ꤘꤣ꤬ꤑꤢ꤭ ꤈:꤁꤈; ꤗꤢ꤬ꤜꤢ꤬ꤋꤤ ꤃:꤈-꤁꤂; ꤗꤢꤞꤢꤧ ꤆:꤁-꤄,꤁꤉-꤂꤁; ꤁꤉:꤂꤁; ꤂꤃:꤂꤃; ꤂꤅:꤁꤄-꤂꤉; ꤜꤢꤨꤊꤢ꤬ ꤁꤂:꤁꤆-꤂꤁,꤄꤂; ꤁꤆:꤁-꤁꤃; ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤒꤢ꤬ꤟꤢꤩ꤬ ꤂:꤄꤄-꤄꤇; ꤅:꤁-꤁꤁; ꤁꤇:꤂꤄-꤂꤅; ꤂꤀:꤃꤅; ꤚꤟꤥꤗꤢꤩ꤬ ꤆:꤆-꤂꤂; ꤁꤂:꤁-꤂; ꤁ ꤊꤢ꤬ꤚꤤ꤬ꤞꤢꤨ꤬ ꤄:꤁-꤂; ꤆:꤁꤉-꤂꤀; ꤁꤂; ꤁꤆:꤁-꤄; ꤂ ꤊꤢ꤬ꤚꤤ꤬ꤞꤢꤨ꤬ ꤈-꤉; ꤁꤂:꤁꤅; ꤖꤤꤜꤤ꤬ꤕꤤ꤬ ꤄:꤁꤀-꤁꤉; ꤁ ꤕꤢꤩ꤬ꤒꤢ꤬ꤚꤢꤨ ꤁:꤁꤈-꤁꤉꤯